Plantun de Prouvènço

Pèr coumpara dos planto d'encò nostre

Euphorbia paralias & Hieracium morisianum

Pisso-can-de-mar

Euphorbia paralias

Euphorbiaceae

Àutri noum : Purgeto, Purgueto.

Noms en français : Euphorbe des dunes, Euphorbe maritime.

Descripcioun :
Lou pisso-can-de-mar es uno planto renadivo, pas trop grando, sènso péu e sucouso. Se renounèis à si fueio di proun sarrado sus la cambo, aquelo èi bèn rouginasso sus lou bas. Li bratèio de l'oumbello soun mai ouvalo, li glando an de pichòti bano (fotò).

Usanço :
Coume tóuti lis meno d'Euphorbia, lou pisso-can-de-mar es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Ié dison peréu purgeto, bessai que d'ùni bèsti la manjon pèr se purga.

Port : Pichoto planto lignouso
Taio : Pancaro entresigna
Fueio : alterno
Tipe bioulougico : Camefite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun

Liò : Mar - Sablo
Estànci : Mesoumediterran
Couroulougi : Pancaro entresigna
Ref. sc. : Euphorbia paralias L., 1753

Esparello(-de-Moris)

Hieracium morisianum

Asteraceae Compositae

Nom en français : Épervière de Moris.

Descripcioun :
Aquesto esparello, pulèu coumuno mai pas toujour bèn couneigudo, fai partido dóu group VILLOSA, presento au nostre soulamen en mountagno. Trachis dins li tepiero roucaiouso e li roucas. Es un Hieracium emé forço fueio de cambo e pu de fueio de baso à la flourido (ipoufiloupodo) emé proun de péu sus l'enflourejado e peréu sus lou dessouto di fueio. Fai partido de l'espèci couleitivo valdepilosum, pamens se destrìo dóu tipe qu'a li bratèio dóu dedins tant primo que li dóu deforo. Se penso qu'aquèsti Hieracium vènon de H. villosum introugressa pèr H. prenanthoides emé si fueio un pau en viouloun (Flora Gallica, op. cit. p. 444).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 15 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 13 à 15 mm
Flourido : Printèms - Estiéu

Sòu : Ca
Autour basso e auto : 1400 à 2300 m
Aparado : Noun
Remarco : Endemico dis Aup
Jun à avoust

Liò : Tepiero roucaiouso - Roucas
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Hieracium morisianum Rchb.f., 1859 (= Hieracium elongatum Willd. ex Froël., 1838 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Euphorbia paralias & Hieracium morisianum

ges

Coumpara Pisso-can-de-mar emé uno autro planto

Coumpara Esparello(-de-Moris) emé uno autro planto